الشروط والخصوصية

آخر تحديث: تشرين الأول 2026

شروط الاستخدام

"مسحة" خدمة لصناعة رموز QR والروابط المختصرة والذكية. باستخدامك الموقع أو إنشاء حساب، توافق على هاي الشروط.

• إنت مسؤول عن كل المحتوى والروابط اللي تضيفها، وعن صحتها وقانونيتها.
• الحساب شخصي. حافظ على الرمز السري، وبلّغنا إذا تشك أحد دخل لحسابك.
• نكدر نطوّر الخدمة أو نغيّر مزاياها، ونبلغك بأي تغيير يأثر على باقتك.
• الرموز الثابتة تشتغل بدون سيرفرنا. الرموز الديناميكية تعتمد على الخدمة، ونبذل جهدنا حتى تبقى شغّالة طول الوقت، بس ما نضمن عدم حدوث انقطاع خارج سيطرتنا.

المحتوى الممنوع

ممنوع تستخدم الخدمة لأي من هاي الشغلات، وأي رابط مخالف نوقفه بدون إنذار، وممكن نوقف الحساب كله:

• التصيّد الاحتيالي، أو صفحات تقلّد بنوك أو شركات أو جهات حكومية حتى تسرق معلومات.
• البرامج الضارة والفيروسات.
• الاحتيال المالي والنصب والمسابقات الوهمية.
• أي محتوى مخالف للقوانين العراقية النافذة أو يمس الآداب العامة.
• الرسائل المزعجة (سبام) والإعلانات المضللة.

إذا لكيت رابط من عندنا يوديك لمكان مشبوه، بلّغ عنه من خانة التبليغ بآخر الصفحة الرئيسية.

الخصوصية

معلوماتك كصاحب حساب: نخزن اسمك وإيميلك ورقمك إذا كتبته، والرمز السري مشفّر وما نكدر نشوفه. نستخدمها بس لتشغيل حسابك والتواصل وياك.

الناس اللي تمسح رموزك: لكل مسحة نسجل الوقت، ونوع الجهاز، والمتصفح، والدولة والمحافظة والمدينة التقريبية. ما نخزن عنوان IP، ولا رقم الموبايل، ولا أي معلومة تحدد الشخص. حتى نعرف الزوار المختلفين، نستخدم بصمة مجهولة تتغيّر كل يوم.

• ما نبيع أي بيانات لأي جهة.
• نستخدم كوكي واحد بس حتى تبقى مسجّل دخول، وما نستخدم كوكيز إعلانية.
• تكدر تحذف أي رمز مع كل إحصائياته بأي وقت. ولحذف حسابك كله، راسلنا.
• البيانات مخزنة على خوادم Cloudflare.

الدفع والاشتراكات

• الأسعار بالدينار العراقي، والدفع مقدماً عن طريق زين كاش أو كي كارد أو الطرق المذكورة بالموقع.
• تتفعّل الباقة بعد ما نتأكد من وصول المبلغ.
• لما تنتهي المدة، رموزك تبقى شغّالة، بس الحساب يرجع لحدود الباقة المجانية لحد ما تجدد.
• إذا وكفنا حساب بسبب مخالفة شروط المحتوى الممنوع، ما نرجّع المبلغ.

التواصل

لأي سؤال أو طلب، تواصل ويانا على الواتساب المذكور بصفحة الاشتراك داخل حسابك.